АСТАНА. ҚазАқпарат - Ақтөбелік төреші жасөспірімдер құрамалары арасында Еуропа чемпионатының финалына қазылық етеді, деп хабарлайды ҚазАқпарат ҚР Футбол федерациясының баспасөз қызметіне сілтеме жасап.
Юрий Тихонюк өткен маусымда ФИФА төрешісінің көмекшісі ретінде халықаралық турнирлерде қызмет ете бастаған болатын. Міне, биыл ақтөбелік төреші Еуропа жарыстарына алғаш рет шақырту алып отыр.
Енді, ақтөбелік Юрий Тихонюк 17 жасқа дейінгі жасөспірімдер құрамалары арасында Еуропа чемпионатының 2017/2018 финалдық кезеңінің матчтарына төрелік етеді.
2017/18 жылғы Еуропа чемпионатының финалдық кезеңі 4-20 мамыр аралығында Англияда өтеді. Турнирдің бұл кезеңіне алаң қожайындарынан бөлек, Италия, Португалия, Испания, Голландия, Германия, Сербия және басқа құрамалар қатысады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.