Жедел басқару орталығына жекеменшік үйдің ауласында екі ұры ұсталғаны туралы хабарлама келіп түсті. Көп ұзамай оқиға орнына полицейлер жеткен. Каzinform бұл туралы Диапазон-ға сілтеме жасап хабарлайды.
Жұмыстан кейін пәтеріне келген үй иесі кір жуатын бөлмедегі терезенің сынғанын көрген. Артынша ол үйде бейтаныс екі адамды байқап қалып, оларды қолға түсірген.
Ұсталғандар - бұрын сотталған 44 және 48 жастағы ақтөбелік азаматтар. Екеуі проектор, үтік, теледидар және алюминий мәнті пісіргішін ұрламақ болған.
Қазіргі кезде аталған факті бойынша сотқа дейінгі тергеу амалдары жүргізіліп жатыр.
Жанат Қапалбаева
М.Х. Дулати атындағы Тараз мемлекеттік университетін бітірген.
Еңбек жолын аймақтық басылымдардан бастаған.
Төрт тіл біледі, кәсіби аудармашы.
2018 жылдан бері – Kazinform шығарушы редакторы.
ҚР Журналистер одағының мүшесі.