Оқиға Ақтөбе қаласындағы зираттардың бірінде болды. Ұлынан айырылған отбасы сол аумақты белгілеп, ата-анасы мен келініне деп орын дайындайды. Ол үшін іргетасын да құйып бастаған. Аумаққа жауапты «Financial World» ЖШС-і директорының орынбасары Ануар Кужанов бақылау, аралау кезінде анықтап, бірден талапты түсіндірді.
Айта кетейік, елімізде әр адамға зираттан 6 шаршы метр жер тегін беріледі. Екінші адамға орын алуға рұқсат бар. Қазіргі кезде Ақтөбе қаласындағы зираттардың көбі толып, жабылып жатыр. Сондықтан қала әкімдігі тағы 65 гектар жер бөлінді. Сенімгерлік басқару компаниясы бұл жерге инфрақұрылым жүргізіледі.
Бұған дейін Атыраудағы зираттардың бірінде адам сүйегі шашылып жатқаны туралы жазған едік. Бұл жағдай Атырау облысы Жылыой ауданындағы Ескі Қаратон елді мекеніндегі көне зираттың аумағында болған. Алдын ала мәліметке сәйкес, аталған қорым ХХ ғасырдың басына тиесілі.