АСТАНА. ҚазАқпарат - Жыл басынан бері ішкі істер органдарында ҚР Қылмыстық Кодексiндегі 385-ші бап бойынша, яғни жалған құжаттарды, мөртаңбаларды, мөрлердi, мөрқағаздарды, мемлекеттiк наградаларды қолдан жасау, дайындау немесе өткiзу тұрғысында 1560 қылмыстық құқықбұзушылық тіркелді, деп хабарлайды ҚазАқпарат.
«Негізінен әуе билеттері, дипломдар, көші-қон карточкасындағы көші-қон полициясы қызметінің уақытша тіркеу мөрінің баспа-таңбасы, жүргізуші куәлігі және жер теліміне құқықты рәсімдеу бойынша материалдар қолдан жасалады», - деп жазды ҚР ІІМ Мемлекеттік тіл және ақпарат департаментінің директоры Алмас Садубаев Фейсбуктегі парақшасында.
Оның атап өтуінше, бұл әрекеттері үшін қылмыстық жауапкершілікке 171 адам тартылған екен.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.