НҰР-СҰЛТАН. ҚазАқпарат - Қазақстанның бірінші, әлемнің 47-ракеткасы Александр Бублик АҚШ ашық чемпионатының үшінші айналымына шыға алмады, деп хабарлайды ҚазАқпарат тілшісі.
Қазақстандық теннисші екінші айналымда әлемнің 15-ракеткасы, Монреаль мастерс турнирінің чемпионы, испаниялық Пабло Карреньо-Бустамен шеберлік байқасты.
Александр Бублик бәсекені жақсы бастады - 6:4. Алайда бірінші партиядан кейін испаниялық спортшы күш алып кетті - 6:4, 6:3, 7:6 (7:5).
Үш сағаттай уақытқа созылған тартысты бәсеке барысында Бублик 28 эйс жасап, 12 брейк-пойнттың екеуін ғана пайдаланды. Қарсыласы 5 эйс, 3 брейкпен (8 брейк-пойнт) көзге түсті.
Осылайша, жүлде қоры 60 млн долларға бағаланған АҚШ ашық чемпионатында жекелей сында Қазақстаннан Юлия Путинцева ғана қалды.
Еске сала кетейік, бұдан бұрын Александр Бубликтің АҚШ ашық чемпионатының екінші айналымына шыққанын жазған болатынбыз.
Ал Елена Рыбакина аталған чемпионатта жеңіліп қалды.
Юлия Путинцева турнирді жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).