ДОХА. KAZINFORM - Қазақстанның бірінші, әлемнің 21-ракеткасы Александр Бублик Доха ATP 250 турнирінің жартылай финалына шыға алмады.
Жарыстың 4-ракеткасы А.Бублик ширек финалда рейтингіде 46-орында тұрған Аустралия өкілі Алексей Попыринмен күш сынасты.
Бірінші партияда аустралиялық теннисшіге бір брейк жеткілікті болды - 6:4.
Екінші сәтте ол 5:2 есебімен алға кетіп, матчқа доп берді. Бұдан кейін Бублик есепті қысқартқанымен, одан әріге шамасы жетпеді - 4:6.
Бір сағаттан астам уақытқа созылған бәсеке барысында А.Бублик 5 эйс жасап, 1 брейк-пойнтты пайдаланды. Қарсыласы 2 эйс, 3 брейкпен (7 брейк-пойнт) көзге түсті.
Еске сала кетейік, бұдан бұрын Елена Рыбакинаның денсаулығына байланысты Дубайда матчқа қатысудан бас тартқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).