АСТАНА. KAZINFORM – Қазақстанның бірінші, әлемнің 11-ракеткасы Александр Бублик Гонконг ATP 250 турнирінің жартылай финалына жолдама алды.
Жарыстың 2-ракеткасы болып тіркелген қазақстандық теннисші ширек финалда рейтингіде 406-сатыдағы қытайлық Цзюнчэн Шанмен шеберлік байқасты.
Бірінші партияда Бублик бет қаратпады - 6:1. Тартысты өрбіген екінші сетте тай-брейкте қарсыласынан басым түсті - 7:6 (7:2).
Бір сағат 26 минутқа созылған матчта қазақстандық спортшы 15 эйспен бірге 4 брейк-пойнттың тең жартысын пайдаланды. Шан 3 эйспен шектелді.
Александр Бублик Гонконг додасының финалына шығу үшін америкалықтар, әлемнің 64-ракеткасы Маркос Гирон немесе рейтингіде 285-орындағы Майкл Ммоның қай жеңгенімен таласады.
Еске сала кетейік, бұдан бұрын Александр Бубликтің Гонконг турнирінің ширек финалына жолдама алғанын жазған едік.
Брисбен турнирінде Елена Рыбакина жартылай финалдан тыс қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).