АСТАНА. KAZINFORM — Қазақстанның бірінші, әлемнің 19-ракеткасы Ханчжоу (Қытай) ATP 250 турнирінің ширек финалына өтті.
Жарыстың 3-ракеткасы болып тіркелгендіктен, Бублик бірден екінші айналымнан бастады.
А.Бублик дүниежүзілік рейтингіде 93-орында тұрған аустралиялық Александар Вукичпен кортқа шықты.
Бірінші партияда тай-брейкте Вукич сәтті ойнады — 7:6 (8:6).
Бұдан кейін Бублик камбэк жасап, матчты жеңіспен түйіндеді — 6:4, 6:4.
Екі сағат 15 минутта аяқталған тартысты бәсекеде қазақстандық спортшы эйс санын 24-ке жеткізіп, 10 брейк-пойнттың екеуін өз есебіне жазды. Вукич 14 эйспен шектелді.
Александр Бублик жартылай финалға шығу үшін рейтингіде 99-сатыдағы Далибор Сврчинамен таласады. Ол рейтингіде 192-орындағы қытайлық Чжан Чжичжэньнен айласын асырды — 6:4, 6:3.
Еске сала кетейік, бұдан бұрын Александр Шевченконың Қытайдағы турнирдің ширек финалына жолдама алғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).