АСТАНА. ҚазАқпарат - Қазақстанның бірінші, әлемнің 55-ракеткасы Александр Бублик Мадрид мастерс турнирінің екінші айналымына шықты, деп хабарлайды ҚазАқпарат тілшісі.
Қазақстандық теннисші бастапқы кездесуін дүниежүзілік рейтингте 100-орында тұрған колумбиялық Даниэль Элаи Галанмен өткізді.
Бірінші партия бір сағаттан астам уақытқа созылып, онда А. Бублик бесінші сетболын пайдалана алды - 7:6 (17:15).
Екінші сетте колумбиялық спортшы тай-брейкте есе қайырды - 7:6 (7:4).
Үшінші, шешуші партияда А. Бублик жеңісті жұлып алды - 6:4.
Үш сағатқа жуық уақытқа созылған матчта А. Бублик 17 эйспен бірге 3 брейк-пойнттың екеуін өз есебіне жазды. Қарсыласы 5 эйс, 1 брейкпен (5 брейк-пойнт) көзге түсті.
Александр Бублик екінші айналымда әлемнің 7-ракеткасы, даниялық Хольгер Рунемен кездеседі.
Еске сала кетейік, бұдан бұрын Юлия Путинцеваның Мадрид мастерс турнирін сәтті бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).