НҰР-СҰЛТАН. ҚазАқпарат - Қазақстандық Александр Бублик жұптық сында Ролан Гаррос турнирінің ширек финалына шыға алмады, деп хабарлайды ҚазАқпарат тілшісі.
А.Бублик аустралиялық Танаси Коккинакиспен бірге үшінші айналымда хорватиялық Иван Додиг - америкалық Остин Крайчекпен күш сынасты.
Бір сағат 15 минутқа созылған кездесуде хорватиялық-америкалық жұп 6:3, 6:2 есебімен жеңіске жетті.
Олар 6 эйспен бірге 13 брейк-пойнттың үшеуін пайдалана білді. Қазақстандық-аустралиялық жұп 6 эйспен ғана көзге түсті.
И.Додиг пен О.Крайчек жартылай финалға шығу үшін жарыстың бірінші ракеткалары, америкалық Раджив Рам - ұлыбританиялық Джо Сэлисберимен таласады.
Осылайша Франция ашық чемпионатында Қазақстанда жекелей сында Елена Рыбакина ғана қалды.
Еске сала кетейік, бұдан бұрын Александр Бубликтің Ролан Гаррос турнирінің үшінші айналымына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).