АСТАНА. KAZINFORM — Қазақстандық теннисші Александр Бублик жұптық сында Бейжің (Қытай) ATP 500 турнирінің финалына шыға алмады.
Қазақстандық теннисші қытайлық Цзюньчэн Шанмен бірге жартылай финалда нидерландылықтар Сандер Арендс — Давид Пелмен бетпе-бет келді.
Қос сет те 6:4 есебімен нидерландылық жұптың пайдасына шешілді.
Бір сағаттан сәл астам уақытқа созылған бәсекеде Бублик — Шан 3 эйспен бірге 3 брейк-пойнттың біреуін пайдаланды. Нидерландылықтар 5 эйс, 3 брейкпен (9 брейк-пойнт) ерекшеленді.
Осылайша, Александр Бублик Бейжіңдегі жарыс жолын аяқтады.
Еске сала кетейік, бұдан бұрын Александр Бубликтің жұптық сында Бейжің турнирінің жартылай финалына шыққанын жазған едік.
Елена Рыбакина Бейжің жарысында жеңіліске ұшырады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).