АСТАНА. ҚазАқпарат - Қазақстандық Александр Недовесов жұптық сында Ролан Гаррос турнирін жеңіспен бастады, деп хабарлайды ҚазАқпарат тілшісі.
Қазақстандық теннисші мексикалық Мигель Анхель Рейес-Вареламен бірге бастапқы кездесуін жарыстың 16-ракеткалары, америкалықтар Джексон Уитроу - Натаниэль Лэммонспен шеберлік байқасты.
Бірінші партияда америкалық жұп басымдылық танытты - 6:3.
Есесіне одан кейін қазақстандық-мексикалық дуэт күш алып кетті - 6:1, 6:4.
Бір сағат 47 минутқа созылған тартысты бәсеке барысында Мигель мен Александр 5 эйс жасап, 8 брейк-пойнттың тең жартысын пайдалана білді.
Қарсыластары 11 эйс, 2 брейкпен (6 брейк-пойнт) көзге түсті.
Рейес-Варела мен Недовесов екінші айналымда уругвайлық Ариэль Беар - чехиялық Адам Павлашекпен ойнайды.
Еске сала кетейік, бұдан бұрын Елена Рыбакинаның келесі ойынның оңайлыққа түспейтіні туралы айтқанын жазған болатынбыз.
Сондай-ақ Ролан Гаррос турнирінде Скатов пен Голубев жарыс жолынан шығып қалды.
Юлия Путинцева Ролан Гаррос турнирінің үшінші айналымына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).