АСТАНА. KAZINFORM — Қазақстанның екінші, әлемнің 82-ракеткасы Александр Шевченко Экс-ан-Прованс (Франция) челленджер турнирінің 1/8 айналымына шықты.
Жарыстың 7-ракеткасы болып тіркелген қазақстандық теннисші бастапқы кездесуін рейтингіде 216-орындағы франциялық Дэн Аддедпен өткізді.
А.Шевченко қарсыласынан 6:2, 6:2 есебімен басым түсті.
Бір сағаттан астам уақытқа созылған бәсекеде Шевченко 8 эйспен бірге 12 брейк-пойнттың бесеуін мүлт жібермеді. Аддед 1 эйс, 1 брейкпен (2 брейк-пойнт) шектелді.
Александр Шевченко ширек финалға шығу үшін әлемнің 100-ракеткасы, қытайлық Йибин Вумен таласады. Ол рейтингіде 95-сатыдағы тағы бір франциялық Александр Мюллерден айласын асырды – 6:3, 6:4.
Еске сала кетейік, бұдан бұрын Елена Рыбакинаның Мадрид турнирінің ширек финалынан тыс қалғанын жазған болатынбыз.
Шымкент турнирінде Денис Евсеев 18 жастағы Әмір Омархановты жеңді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).