АСТАНА. KAZINFORM — Қазақстанның екінші, әлемнің 111-ракеткасы Александр Шевченко Цзинань (Қытай) челленджер турнирінде екінші матчын жеңіспен аяқтады.
Қазақстандық теннисші екінші айналымда әлемдік рейтингіде 260-орындағы жапониялық Джей Дилан Хара Френдпен бетпе-бет келді.
Бұл қос спортшының өзара алғашқы кездесуі еді.
Бірінші партияда А.Шевченко қарсыласына бірде-бір гейм бермеді — 6:0.
Екінші сетте 6:4 есебі тіркелді.
Бір сағат 14 минутқа созылған бәсекеде Шевченко 1 эйспен бірге 7 брейк-пойнттың төртеуін өз есебіне жазды. Жапониялық теннисші 2 эйс жасағанымен, 3 брейк-пойнтты пайдалана алмады.
Александр Шевченко әлемнің 86-ракеткасы, италиялық Маттиа Белуччи немесе рейтингіде 207-сатыдағы франциялық Лука Павловичтің қай жеңгенімен таласады.
Еске сала кетейік, бұдан бұрын Александр Шевченконың Қытайдағы турнирде жарыстың фаворитін жеңгенін жазған едік.
Сондай-ақ Анна Данилина Қытайдағы жарыста ширек финалға жолдама алды.
Қытайдағы Ухань турнирінде Рыбакинаның рейтингідегі басты қарсыласы жеңіліп қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).