АСТАНА. KAZINFORM — Қазақстанның екінші, әлемнің 100-ракеткасы Александр Шевченко Братислава (Словакия) челленджер турнирінің ширек финалына шықты.
Жарыстың 1-ракеткасы болып тіркелген қазақстандық теннисші екінші айналымда дүниежүзілік рейтингіде 213-орында тұрған ұлыбританиялық Ян Чоинскимен кездесті.
Бірінші партияда Шевченко 6:3 есебімен басымдылық танытты.
Екінші сетте 6:2 есебі тіркелді.
Бір сағаттан астам уақытқа созылған бәсекеде қазақстандық спортшы 7 эйспен бірге 5 брейк-пойнттың үшеуін өз есебіне жазды. Чоински 3 эйспен шектелді.
Александр Шевченко жартылай финалға шығу үшін рейтингіде 287-сатыдағы италиялық Федерико Чинамен таласады. Ол екінші айналымда әлемнің 119-ракеткасы, америкалық Эмилио Наваны қапы қалдырды — 7:6 (7:3), 6:3.
Еске сала кетейік, бұдан бұрын Лондон турнирінде Рыбакина мен Путинцеваның жұптық сында ширек финалға шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).