АСТАНА. ҚазАқпарат – Үндістанның Нью-Дели қаласында өтіп жатқан бокстан әйелдер арасындағы әлем чемпионатының ширек финалында қазақстандық Фариза Шолтай жеңіске жетті, деп хабарлайды ҚазАқпарат тілшісі.
Ел құрамасынан Фариза Шолтай (81 келі) ширек финалда кениялық Элизабет Адиамбо Андиегомен кездесті. Жекпе-жек барысында қазақстандық боксшы сенімді ойын көрсетті. Нәтижесінде қарсыласын тізе бүктірді. Осылайша, жартылай финалға шықты.
Сондай-ақ, ел құрамасынан тоғыз боксшы ширек финалда сайысқа түсуге мүмкіндік алған еді.
Қазірге дейін ел құрамасынан Алуа Балқыбекова (48 келі) жартылай финалға шықты.
Сондай-ақ, Карина Ибрагимова (57 келі) жарысты жалғастырады.
Ал, Мәдина Нұршаева (70 кг) бразилиялық Барбара дос Сантосқа жол беріп қойды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.