АСТАНА. KAZINFORM - Кеше қазақстандық балуан Нұрқожа Қайпанов Албания астанасы Тиранада 70 келіге дейінгі салмақта әлем чемпионы атанған болатын. Kazinform тілшісі спортшыдан алдағы арман-мақсаты жөнінде сұрап көрді.
- Алдағы мақсатым - әлем және Олимпиада чемпионы атану. Мұның, әрине, оңайға түспейтінін білемін.
- Олимпиадаға қатысу үшін тағы да салмақ ауыстырып, бақ сынайсың ба?
- Оны бапкерлеріммен ақылдасып көремін. Әзірге ойға келгені осы ғана. Жолда кетіп бара жатыр едік. Елге оралғаннан кейін бір тоқтамға келерміз.
- Чемпиондық атағың құтты болсын! Алдағы жарыстарда сәттілік тілейміз.
Еске сала кетейік, бұдан бұрын Нұрқожа Қайпановтың еркін күрестен әлем чемпионы атанғанын жазған болатынбыз. Бұған дейін 2019 жылы Астанада өткен әлем біріншілігінде күміс алған 70 келіге дейінгі салмақтағы қазақстандық балуан финалда жапониялық Йошиносуке Аоягимен сынға түсіп, 5:3 есебімен жеңіске жетті. Осылайша, Н.Қайпанов Ризабек Айтмұқанның өткен жылғы жетістігін қайталады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).