АСТАНА. ҚазАқпарат – Бүгін су добынан ерлер арасындағы әлем кубогында Қазақстан құрамасы алғашқы ойынында Жаңа Зеландиямен кездесті, деп хабарлайды ҚазАқпарат тілшісі.
Әлем кубогында қазақстандық спортшылар В тобында сынға түседі. Қарсыластары - Румыния, Иран және Жаңа Зеландия.
Бүгінгі кездесуде қазақстандық су добының шеберлері жинақы қимыл көрсетуге тырысты. Ойын барысында екі құрама тартысты ойын өткізді.
Нәтижесінде ел құрамасы қарсыласынан 10:9 есебімен басым түсті.
Енді ел құрамасы бүгін, 5 мамырда Румыниямен шеберлік байқасады. Олар Иранды 15:4 есебімен тізе бүктірді.
Ал 6 мамырда Иранмен шеберлік байқасады.
Еске салсақ, су добынан әйелдер құрамасы әлем кубогы финалдық сатысына шыға алмады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.