Рекорд тіркелген сәтте Фута 23 жас 135 күндік болды. Ол мекендейтін Тиба хайуанаттар бағында осы оқиғаны атап өту үшін арнайы рәсім өтті.
Фута 2003 жылы 5 шілдеде Жапонияның орталығындағы Нихондайра хайуанаттар бағында туған. Бір жылдан кейін ол қазіргі мекені Тибаға ауыстырылды.
Фута 2005 жылы артқы аяқтарымен тұратын ерекше әдетінің арқасында танымал болды. Кейінірек ол тіпті теледидардағы жарнамаларда бой көрсетіп жүрді.
Сарапшылардың бағалауынша, Футаның жасы қазір адам өмірімен өлшегенде жүзден асқан. Хайуанаттар бағының мәліметі бойынша, көру қабілетінің нашарлауына және екі аяғымен тұру қабілетінің жоғалуына қарамастан, панданың тәбеті жақсы әрі денсаулығы қалыпты.
Фута бүгінгі таңда пандалар арасындағы кәдімгі үбірлі-шүбірлі қария. Немере, шөбере, шөпшегі бар, тіпті неменесінің өзі бесеу.
Бұған дейін Қытайдағы алып пандалар популяциясы 830-ға жеткенін хабарлаған едік.
Ал Олимпиада чемпионы Михаил Шайдоров — пандалардың ең үлкен жанкүйері.