Желіде тараған ақпаратты Көліктегі полиция департаменті растады. Қазіргі уақытта Алматы әуежайында адам өліміне әкеп соққан еңбекті қорғау қағидаларын бұзу дерегі бойынша қылмыстық іс қозғалған.
- Қазіргі уақытта оқиғаның мән-жайын жан-жақты әрі объективті анықтауға бағытталған қажетті тергеу әрекеттері жүргізіліп жатыр. Тергеу мүддесіне байланысты өзге ақпарат жария етуге жатпайды, - деп хабарлады департаменттен.
Аталған жағдайға байланысты Алматы халықаралық әуежайының баспасөз қызметіне де сауал жолдадық. Жауап алынған соң, ақпарат толықтырылады.
Еске салайық, бұған дейін БҚО-да құрылыс алаңында кран құлап, ер адам мерт болды.