Алматыда әскери қызметші тапаншадан жарақат алды

АЛМАТЫ. KAZINFORM - Алматының №5571 әскери бөлімінде әскери қызметші қарудан жарақат алды. Аталған жағдайға байланысты ҚР Ұлттық ұланының «Оңтүстік» өңірлік қолбасшылығының баспасөз қызметі түсініктеме берді.

Ресми мәліметке сәйкес, оқиға полигонда оқу-жаттығу аяқталғаннан кейін болған.

- Қаруды тапсыру кезінде Макаров тапаншасынан әскери қызметші сұқ саусағына жеңіл жарақаты алды. Медициналық көмек сол жерде көрсетілді. Оқиғаның себептері мен мән-жайлары анықталып жатыр және қызметтік тергеу жүргізіліп жатыр, - деп хабарлады ҚР Ұлттық ұланының «Оңтүстік» өңірлік қолбасшылығынан.

Еске салайық, бұған дейін Арыста әскери қызметші травматикалық қарудан жарақат алғанын жазғанбыз.

Алматыдағы әскери институтта 44 жастағы сержанттың мәйіті табылғанын жаздық.