АЛМАТЫ. KAZINFORM – Атакент аумағында орналасқан дәмхана өртеніп жатыр. Алматы қалалық Төтенше жағдайлар департаментінің мәліметінше, өрт сөндіру бригадасы Бостандық ауданы, Тимирязев көшесі 42 мекенжайы бойынша шақыртуға шықты.
«Алғашқы өрт сөндіру бөлімшесі келген кезде дәмхана ашық жалынмен жанып жатты. Газ-түтіннен қорғау қызметі барлау жүргізді. Өрт сөндірудің үш учаскесі құрылды, өрт оқпандары іске қосылды, автоцистерналар батыс және шығыс жағынан гидранттарға орнатылды. Өзге ғимараттарға таралу қаупі жоқ», - деп хабарлады қалалық Төтенше жағдайлар департаментінің баспасөз қызметі.
Өрт орнынан 3 газ баллон эвакуацияланды. Қызыл жалын 30 минутта оқшауланды.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.