Алматы қаласының Мониторинг және жедел әрекет ету орталығының құтқарушылары өздігінен таудан төмен түсе алмаған балаларды іздеп тауып, «Аюсай» визит-орталығына дейін ертіп барды.
Балалар сол жерде ата-аналарына тапсырылды. Оларға медициналық көмек қажет болған жоқ.
– Тауға шығар алдында бағытты алдын ала жоспарлап, ауа райы жағдайын және күннің бату уақытын ескеріңіз. Туристік соқпақтардан шықпаңыз және өз күшіңізді дұрыс бағалаңыз, – деп ескертті Төтенше жағдайлар министрлігі.
Айта кетейік, бұған дейін Алматының Бутаков сарқырамасы маңында 2400 метрден астам биіктікте адасып кеткен төрт адамды құтқарушылар қауіпсіз жерге алып түскен болатын.