АЛМАТЫ. KAZINFORM — Алматыда ресейлік «Би-2» тобының концерті өтпейтін болды. Бұл туралы музыканттар Instagram парақшасында хабарлады.
«Біз Қазақстанда тамыз айының соңында өтетін FAMILY ROCK FEST-те өнер көрсете алмайтынымызды өкінішпен хабарлаймыз. Ұйымдастырушыларға барлық күш-жігерлері үшін алғыс айтамыз. Болашақта осы тамаша фестивальде өнер көрсетуді асыға күтеміз»,- деп жазды «Би-2» тобы.
Музыкалық топ өнер фестиваліне қатыспауларының себебін атамады.
Бұған дейн Алматыда 20, 23 және 25 қаңтарға жоспарланған Валерий Меладзенің концерті кейінге шегерілгені туралы жазған болатынбыз.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.