АЛМАТЫ. KAZINFORM — Алматыда Райымбек даңғылының бір бөлігі уақытша жабылады.Алматы әкімдігінен мәлім еткендей, 5 шілде сағат 23:00 бастап 6 шілде таңғы сағат 08:00 дейін Райымбек даңғылының бойымен Ахрименко көшесінен бастап Өтеген батыр көшесіне дейін екі бағытта көлік қозғалысы жартылай шектеледі.
Фото: Александр Павский/ Kazinform
— Уақытша шектеу жылумен жабдықтау желілерін алдағы жылыту маусымына дайындау аясында, 1983 жылы пайдалануға берілген магистральдық құбыржол учаскесінде жөндеу жұмыстарының қауіпсіздігін қамтамасыз ету үшін енгізіледі, — делінген хабарламада.
Фото: Алматы әкімдігі
Осыған дейін Алматыда Абай даңғылы мен Марков көшесі екі айға жабылатыны туралы жазғанбыз.
Жалпы, биыл қала бойынша 39 шақырым жылу желісін қайта жаңарту жоспарланған. Бұл желілердің тозу деңгейін 54%-ға дейін төмендетуге мүмкіндік береді.
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.