Алматыда самса сататын заңсыз дүңгіршектер бұзылды
АЛМАТЫ. KAZINFORM – Әуезов ауданында 63 заңсыз сауда нысаны мен 28 ойын автоматы бұзылды.
Алматыда мемлекеттік қордың жерінде заңсыз орнатылған стационарлық емес сауда нысандарын бөлшектеу жұмыстары жалғасып жатыр.
– Әуезов ауданында 63 заңсыз стационарлық емес сауда нысаны және 28 ойын автоматы (силомер) бөлшектелді. Атап айтқанда, Жұбанов пен Момышұлы көшелерінде орналасқан самса, пицца және чебурек сататын заңсыз дүңгіршек бұзылды, – деп хабарлады әкімдіктен.
Қазір мемлекеттік қор жерлерінде орналасқан 302 заңсыз нысан 222 ойын автоматы бұзылды.
Айта кетейік, қалада 157 стационарлық емес сауда нысандарын орналастыруға арналған 142 орын бекітілген.
Еске салсақ, бұған дейін стационарлық емес заңсыз сауда нысандардың бұзылатыны туралы жазған едік.