Әсіресе, 1 шілде күні Үлкен Алматы өзенінде су деңгейі көтерілді. Сондай-ақ Ақсай өзені арнасынан шықты. Қала тұрғындары табиғи құбылыстың салдарымен әлеуметтік желіде бөлісіп жатыр. Мәселен, алматылықтардың бірі түсірген бейнежазбадан реконструкциядан өтіп жатқан Үлкен Алматы өзені арнасында гранит тастарға зақым келгенін көруге болады. Оған пікір жазған тұрғындар жылдары бойы мызғымас күйде болған өзен арнасының жаңғырту жұмыстарынан кейін жылдам бұзылып жатқанына наразылық білдірді.
Еске салайық, Алматы облысында Ақсай өзені тасуынан су желісі зақымданды.