АЛМАТЫ. KAZINFORM – Алматыда күшті жер сілкінісі туралы автоматтандырылған ерте хабарлау жүйесі сынақтан өтіп жатыр.
Алматы қалалық ТЖД-ның мәліметінше, 2023 жылдың соңында автоматтандырылған ерте хабарлау жүйесі бар 28 сейсмостансаның құрылысы аяқталған.
Жоба кезең-кезеңімен жүзеге асты: 2022 жылы — 11, 2023 жылы-17 сейсмостанса салынды.
«Қазіргі уақытта жүйе тәжірибелік пайдалануға қабылданды, шетелдік тәжірибе бойынша апробация кезеңі мен сынақтан өтуде. Жүйенің сынақтан өту мерзімі шамамен алғашқы жартыжылдықтың соңына дейін жалғасады» деп хабарлады ТЖД.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.