Алматыны шаңды дауыл басып қалды
15:00, 05 Сәуір 2025
АЛМАТЫ. KAZINFORM – Алматыда күн күрт бұзылды. Аспанды қара бұлт торлап, қатты жел тұрып, қаланы шаңды дауыл басты.
Алматылықтар қаладағы қолайсыз ауа райы салдарының фото-видеоларын әлеуметтік желілерде жариялап жатыр. https://t.me/kris_p_almaty_official/26851
Бірнеше минутқа созылған күшті жел ғимараттардың қасбеттерін опырып түсірді.
Дүкен маңдайшалары бүлінді.
Қазір нөсер жауын басталды.
Бұл ретте әуежайдың баспасөз қызметі Алматы халықаралық әуежайы штаттық режимде жұмыс істеп жатқанын хабарлады.
Бұған дейін Қазгидромет Алматыда 5-6 сәуір аралығында нөсер жауын жауып, найзағай ойнап, желдің екпіні секундына шамамен 15-20 метрге жететіні туралы ескеркен болатын.
Осыған байланысты қаланың коммуналдық қызмет күшейтілген режимде жұмысқа көшті.