АЛМАТЫ. KAZINFORM — Алматының Бостандық ауданында жеке тұрғын үйден өрт шықты. Қазір өрт сөндірушілер жалынды сөндіріп жатыр.
Әлеуметтік желіде қаладағы түтіннің фото және видеолары жарияланды. Желі қолданушыларының айтуынша, түтін Әл-Фараби мен Сейфуллин даңғылдарының қиылысында байқалған.
Алматы төтенше жағдайлар департаментінің мәліметінше, қала гарнизонының күштері Қаратаев көшесіндегі өртті сөндіріп жатыр. Алдын ала мәлімет бойынша, жеке тұрғын үйден өрт шыққан.
Өрт шыққан аумақ, зардап шеккендер мен оқиғаның себептері туралы ақпарат нақтыланып жатыр.
Еске салайық, Алматыда екі қабатты кафеден өрт шыққан еді.
Қырмызы Скендір
Әл-Фараби атындағы ҚазҰУ түлегі. Әлеуметтік ғылымдар магистрі. «Дебат — интеллектуалды пікірсайыс алаңы» кітабының авторы. 2020 жылы Balbal сайтында журналист, 2022 жылы
«Азамат» теледебаты жобасында шеф-редактор қызметін атқарды. 2022-2026 жылдары Stan.kz сайтында журналист болып жұмыс істеді. 2026 жылғы қыркүйектен бастап Kazinform агенттігінің Алматыдағы тілшісі.