«9 қыркүйекте Ақтөбе бөлімшесінің Шоқысу стансасында жүк пойызының 26-шы вагонына тиелген кран жебесінің конструкциясы қозғалып кетіп, көрші жолдағы жолаушылар пойызының локомитиві мен вагондарын сырып өткен. Атап айтқанда №77 «Алматы-2 – Маңғыстау« жолаушылар пойызы локомотивінің шанағы сырылып, буферлік шамы бүлінсе, 13 вагонға түрлі зиян келтірілді. Соның ішінде 2 вагонда терезелер сынған, 2 вагонда тұтқалар жұлынған», делінген хабарламада.
Оқыс оқиғадан ешкім зардап шекпеген. Жолаушы пойызы 17 минут кідірістен соң қайта жолға шықты. Қазір осы жағдай бойынша тергеу жүргізіліп жатыр.