Алматы полицейлері жүргізушілерге қысқы дөңгелекті салып алуды ескертті
13:00, 29 Қыркүйек 2017
АЛМАТЫ. ҚазАқпарат - Алматы полицейлері көлік жүргізушілеріне қысқы дөңгелекке ауысу қажеттігін ескертті, деп хабарлайды ҚазАқпарат тілшісі.
Алматылықтар алғашқы қарға дайындық жұмыстарын жүргізіп жатыр. Синоптиктердің болжамына сүйенсек, 29 қыркүйектен 30-ына қараған түні және 1-ші қазан күні Қазақстанның бірқатар аймағында, соның ішінде Алматы облысында қар аралас жаңбыр жауып, ауа температурасы 1-6 градусқа дейін төмендейді.
Полицейлер көлік жүргізушілері мен жаяу жүргіншілерге осы күндері жолда мұқият болуды ескертті.
«Алматы қаласы ІІД жүргізушілерге көліктердің қысқы дөңгелектерін уақытында ауыстырып алу қажеттігін ескертеді. Ең бастысы - жол ержесін қатаң сақтау қажет. Тәртіп пен өзара сыйластық еліміздің ірі қаласында көлік қауіпсіздігін сақтаудың басты факторы», - деді қалалық ІІД-нен.