АЛМАТЫ. ҚазАқпарат - Алматыда тұрғын үйлердің бірінің кіреберісінде ер адам лифтіні жұдырықпен ұрып, қабырғаны тепкіледі. Полиция бұзақыны іздестіріп жатыр, деп хабарлайды ҚазАқпарат тілшісі.
Ер адамның ерсі қылығы әлеуметтік желіде тарады.
«Алматы қаласы 8-ықшам аудандағы 41/6-үй. Енді лифт неге жиі бұзылатыны түсінікті болды», - деп жазды желі қолданусының бірі.
Алматы қалалық Полиция департаменті атап өткендей, бұл дерек бойынша ешкім арыз жазбаған. Алайда тексеру шаралары ұйымдастырылады.
«Бұл адам анықталып, оның іс-әрекеттеріне заңға сәйкес құқықтық баға беріледі. Біз оның мұндай іске не үшін барғанын анықтаймыз»,- деді МӘуезов аудандық полиция басқармасының бастығы Ұлан Әбілқайыр.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.