АЛМАТЫ. ҚазАқпарат - Полиция алматылық параспортшының протез аяққа жинаған ақшасын ұрлаған алаяқтарды іздеуде, деп хабарлайды ҚазАқпарат тілшісі.
«Қазіргі уақытта бұл факті Алматы қаласы ІІД тергеу басқармасында ҚРҚК 190-бабының 2-бөлігімен (алаяқтық) тергелуде. Күдіктілерді анықтау және ұстау үшін криминалдық полиция бөлімінің қызметкерлері тартылды. Тиісті жедел және арнайы шаралар жүріп жатыр», - деп хабарлады Алматы полициясының департаментінен.
Бұған дейін, параспортшы, үстел теннисінен спорт шебері алматылық Бақтыгүл Әлімбекованың алаяқтардың құрбаны болғаны туралы хабарланған болатын.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.