Оның айтуынша, өткен тәулікте Алматыда букмекерлік кеңсеге қарақшылық шабуыл жасалған. Бетперде киген екі адам кеңсеге басып кіріп, тапаншамен кассирді қорқыту арқылы 1 миллион теңгеден астам ақшаны алып кеткен. Қазіргі уақытта екінші күдікті іздестіріліп жатыр.
Сонымен қатар Алмас Садубаев Қарағанды облыстық ішкі істер департаменті қызметкерлерінің жедел іздестіру шараларының нәтижесінде қасақана адам өлтірді деген күдікпен Теміртау қаласының тұрғыны ұсталғанын айтты.