АСТАНА. ҚазАқпарат - Алматы полициясы өз отандастарын пышақпен жаралаған шетелдік студентті ұстады. Бұл туралы ҚР ІІМ ресми өкілі Алмас Садубаев брифингте мәлім етті, деп хабарлайды ҚазАқпарат тілшісі.
«Алматыда 4 курста оқитын шетелдік студент ұсталды. Ол жалға алынған пәтерде өз отандастарын пышақпен жаралап, мүліктерін заңсыз иемденген», - деді Алмас Садубаев.
Шабуыл салдарынан екі адам ауруханаға түсті.
Одан бөлек, Алматы қаласының Ішкі істер департаменті жеке үйге қарақшылық жасаған жергілікті тұрғынды ұстады. Бұзақы 700 мың теңге, 3 мың АҚШ долларын және алтын бұйымдарды жымқырған.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.