АЛМАТЫ. ҚазАқпарат - Алматыдағы Esentai Mall сауда орталығындағы адамдарды шұғыл түрде шығарып жатыр, деп хабарлайды ҚазАқпарат тілшісі.
Алматы полициясы сауда орталығындағы адамдарды эвакуациялаудың себебін түсіндірді.
«Құқық қорғау органдарына Алматыдағы жылдам тамақтанатын мейрамханалардың біріне жарылғыш зат қойылғаны туралы хабар түсті. Қазір бұл ақпаратты тексеру үшін барлық қажетті шаралар қабылдануда. Эвакуация жасалды. Осы оқиғаға байланысты барлық жедел әрекет ету қызметтері күшейтілді», - деп хабарлады Алматы қалалық ПД баспасөз қызметі.
Фото: t.me/zhest_ka
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.