Алтын кенішінде құтқарушылардың жұмысы қайта жалғасты
15:52, 03 Ақпан 2024
ПАВЛОДАР. KAZINFORM - Шұңқыр түбіне шағын экскаватор түсірілді. Автобус жатуы ықтимал жерді қазу жұмыстары қайта жалғасын тапты.
«Мамандар ойықты зерттеп болды. Қазір экскаватор ойық түбіне қайта түсіріліп, кен жыныстарын қайта экскавациялау жұмыстарын жалғастырып жатыр», - деп хабарлады өңірлік төтенше жағдайлар департаментінен.
Құтқарушылардың сөзінше, ойық түбіндегі терең шұңқыр үлкен тастар мен кен жыныстарының бір орында үймеленіп қалуынан пайда болған.
Еске сала кетейік, бүгін түске таман кеніш аумағындағы ойықта терең шұңқыр пайда болып, құтқарушылардың жұмысы шұғыл тоқтатылғанын хабарлаған едік.