АСТАНА. KAZINFORM — Қазақстандық жүзгіш Анатолий Руденко Дакарда (Сенегал) өтіп жатқан жасөспірімдер Олимпиадасында финалға жолдама алды.
Анатолий Руденко ерлер арасында 200 метрге брасс әдісімен жүзуден өнер көрсетті.
Жерлесіміз іріктеу кезеңінде қашықтықты 2:20.48 уақытта жүзіп өтіп, төртінші орынмен финалға өтті.
Айта кетейік, финал бүгін, 2 қарашада өтеді.
Еске салайық, мұның алдында Фатима Сұпығалиева жасөспірімдер Олимпиадасының алтын медалі үшін күресетінін хабарлаған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.