АСТАНА. ҚазАқпарат – Қазақстанның жұптық сындағы бірінші, әлемнің 26-ракеткасы Анна Данилина Париж челленджер жарысының жартылай финалына шықты, деп хабарлайды ҚазАқпарат тілшісі.
Қазақстандық теннисші ресейлік Вера Звонаревамен бірге ширек финалда грузиялық Натела Дзаламидзе – белоруссиялық Лидия Морозовамен кездесті.
Қазақстандық-ресейлік жұп сағат жарымнан астам уақытқа созылған матчта 7:5, 5:7, 10:2 есебімен жеңіске жетті. Олар 2 эйспен бірге 9 брейк-пойнттың бесеуін пайдаланды. Н.Дзаламидзе мен Л.Морозова 1 эйс, 5 брейкпен (6 брейк-пойнт) көзге түсті.
А.Данилина мен В.Звонарева финалға шығу үшін оңтүстіккореялық Чан Су Джон – қытайлық Чжаосюань Янмен таласады.
Еске сала кетейік, бұдан бұрын Елена Рыбакинаның Римде әлемнің бірінші ракеткасымен ойнайтынын жазған болатынбыз.
Сондай-ақ Тимофей Скатов Ролан Гаррос турниріне дайындалып жатыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).