Министрдің айтуынша, қазір Отбасының цифрлық картасында 6,2 млн үй шаруашылығы туралы мәлімет бар. Жүйе 30 мемлекеттік ақпараттық жүйедегі деректерді пайдаланып, әрбір отбасының әл-ауқат деңгейін автоматты түрде анықтайды.
Барлық мәліметтер күн сайын жаңартылып отырады. Соған сәйкес отбасыларды А, В, С, D және E санаттарына бөлу ай сайын қайта қаралады.
Ал отбасының табысы азайса немесе материалдық жағдайы жақсарса, жүйе оның санатын да өзгерте алады.
— Мысалы, қазан айында үй шаруашылығы В санатында болса, бірақ белгілі бір әлеуметтік сын-қатерге байланысты жағдайы нашарласа, келесі айда автоматты түрде С санатына ауысуы мүмкін. Мұны түсіну маңызды: санат біржолата берілмейді. Жүйе әрбір үйдің жағдайын автоматты түрде жаңартып, өзекті мәліметтерді ұсынып отырады, — деді министр.
Айта кетейік, қазақстандықтар eGov порталы мен eGov Mobile қосымшасы арқылы отбасының әл-ауқат деңгейін алдын ала бағалап, қай санатқа жатуы мүмкін екенін біле алады.
Еңбек және халықты әлеуметтік қорғау министрі Асқарбек Ертаев отбасының әл-ауқатын бағалайтын онлайн-калькулятор арқылы өз отбасын тексеріп көрді. Нәтижесінде оның отбасы В санатына жатқызылды.
Баласы 1,5 жасқа толмай жұмысқа шыққан аналардың жәрдемақысы сақталады.