АСТАНА. KAZINFORM — Қазақстандық теннисші, әлемнің 905-ракеткасы, 20 жастағы Асылжан Арыстанбекова Астанада мәресіне жеткен ITF W15 турнирінде жеңімпаз атанды.
Қазақстандық теннисші финалда әлемнің 723-інші, осы жарыстың 5-ракеткасы, жапониялық Харуна Аракавамен чемпиондық атақты сарапқа салды.
Екі сет те 6:2 есебімен Асылжанның пайдасына шешілді.
Осылайша, Асылжан Арыстанбекова Астана додасында екінші рет қатарынан үздік шықты.
Қазақстандық теннисші осы табысы нәтижесінде қазіргі кезде WTA Live-рейтингісінде бірден 733-орынға көтеріліп тұр.
Еске сала кетейік, бұдан бұрын Асылжан Арыстанбекованың екінші рет Астана турнирінің финалына өткенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).