Асылжан Есенгелді еркін күрестен әлем чемпионатының финалында күреседі
Асылжан Есенгелді Албания астанасы Тирана қаласында өтіп жатқан 23 жасқа дейінгі палуандар арасында еркін күрестен әлем чемпионатының финалында күреседі, деп хабарлайды Kazinform.
Фото: United World Wrestling
Ұлттық құрама спортшысы 61 келі салмақта сынға түсті. Ол жартылай финалда қырғыз балуаны Тайырбек Жумашбек уулудан басым түсті.
Белдесу аса тартысты өтті.
Фото: United World Wrestling
Оған дейін Асылжан жапониялық Каито Моританы, үндістандық Акаш Дахияны қапы қалдырды.
Енді ол финалда ресейлік Башир Магомедовпен күреседі.
Айта кетсек, дүбірлі дода 23-29 қазан күндері жалауын көтереді.
Фото: United World Wrestling
Әлем чемпионатына қатысатын балуандар еркін, грек-рим жән әйелдер күресінен сынға түседі.
Еліміздің атынан еркін күрестен құрама сапында Ерасыл Мұхтарұлы (57 келі), Асылжан Есенгелді (61 келі), Адлан Асқаров (65 келі), Родион Анчугин (70 келі), Ербарыс Сатыбалды (74 келі), Шамсат Таир (79 келі), Нұрдәулет Қуанышбай (86 келі), Нұрдәаулет Бекенов (92 келі), Юнус Гафуров (97 келі) және Омархан Надиров (125 келі) бар.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.