НҰР-СҰЛТАН. ҚазАқпарат - Қазақстандықтар Андрей Голубев пен Александр Недовесов жұптық сында Astana Open ATP 250 турнирінің ширек финалына шықты, деп хабарлайды ҚазАқпарат тілшісі.
Осы жарыстың екінші ракеткалары болып тіркелген А.Голубев пен А.Недовесов алғашқы айналымда аустралиялықтар Джеймс Дакворт - Мэттью Эбденмен кездесті.
Қазақстандық жұп 7:6 (9:7), 6:2 есебімен жеңіске жетті.
1 сағат 21 минутқа созылған кездесуде Голубев пен Недовесов эйс жасамаса да, 6 брейк-пойнттың екеуін мүлт жіберген жоқ. Қарсыластары 2 эйске қол жеткізгенімен, брейк жасай алмады.
А.Голубев пен А.Недовесов жартылай финалға шығу үшін монаколық Ромен Арнеодо - франциялық Бенджамин Бонзимен таласады.
Еске сала кетейік, бұдан бұрын Astana Open ATP турнирінде Тимофей Скатовтың екінші айналымға шыққанын , Дмитрий Попконың өткен жылғы чемпионға жол бергенін жазған болатынбыз.
Әйелдер арасында Юлия Путинцева Острава турнирін жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).