АСТАНА. ҚазАқпарат - Астанада із-түзсіз жоғалған 13 жасар қызды іздестіру жұмыстары жалғасуда. Бұл туралы ҚР ІІМ ресми өкілі Алмас Садубаев брифингте мәлім етті, деп хабарлайды ҚазАқпарат тілшісі.
«Астанада 6 маусым күні жоғалған 13 жасар қызды іздестіру жұмыстары жалғасуда. Қазіргі уақытта елордалық полиция күштері қызды іздестіруге жұмылдырылды, жақын маңдағы аумақтар тексеріліп, қыздың таныстары мен достарынан жауап алынып жатыр», - деді Алмас Сәдубаев.
Бұған дейін бірқатар БАҚ Астанада 13 жасар қыздың жоғалып кеткенін жазған болатын. Қыздың туыстары полицияға хабарласқан.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.