АСТАНА. ҚазАқпарат - Елордада шетел мемлекетінің елшісіне қастандық жасалатыны туралы жалған ақпарат берген жергілікті тұрғын ұсталды. Бұл туралы бүгін брифинг барысында ҚР Ішкі істер министрлігінің ресми өкілі Алмас Садубаев айтты, деп хабарлайды ҚазАқпарат тілшісі.
«Астанада қалалық ІІД Экстремизмге қарсы іс-қимыл басқармасының қызметкерлері бұзақылық ниетпен полицияға қоңырау шалып, шетел мемлекетінің елшісіне қастандық дайындалып жатқаны туралы жалған ақпарат берген жергілікті тұрғынды ұстады», - деді ресми өкіл.
Алмас Садубаевтың айтуынша, аталған факті бойынша сотқа дейінгі тергеу амалдары жүргізіліп жатыр.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.