АСТАНА. ҚазАқпарат - Қазақстандық «Астана» велокомандасы «Швейцария туры» әлемдік турына қатысады, деп хабарлайды ҚазАқпарат тілшісі.
Команда құрамында қазақстандық Алексей Луценко пен Вадим Пронский, Самуэле Баттистелла, италиялық Симоне Веласко, Фабио Феллине, Леонардо Бассо мен колумбиялық Харольд Техада бар.
Көпкүндік 18 маусымда мәресіне жетеді. Жарыс сегіз кезеңге жоспарланған.
Беделді бәсеке 1933 жылдан бері тұрақты түрде өткізіліп келеді.
Бұған дейін 2003 жылы Александр Винокуров аталған жарыста бас бәйгені иеленді.
Былтыр «Ineos Grenadiers» клубынан британиялық Герайнт Томас жеңімпаз атанды.
Еске салсақ, бұдан бұрын Қазақстан велоспорт құрамасы Азия чемпионатынан алтын еншіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.