Астанада Мемлекеттік туды салтанатты көтеру рәсімі өтті
15:04, 16 Желтоқсан 2021
НҰР-СҰЛТАН. ҚазАқпарат – Нұр-Сұлтан қаласында Мемлекеттік туды салтанатты көтеру рәсімі өтті, деп хабарлайды ҚазАқпарат.
«Бүгін елімізде мемлекеттік мереке – Қазақстан Республикасының Тәуелсіздігі күні. Салтанатты мейрамға орай «Атамекен» этно-мемориалдық кешенінің аумағында Ту көтеру рәсімі өтті», - деп жазылған ҚР Президенті Телерадиокешенінің ресми аккаунтында.
ҚР Мемлекеттік күзет қызметінің Құрметті қарауылы Тәуелсіздік мерекесінің 30 жылдық мерекесіне орай Мемлекеттік туды салтанатты жағдайда көтеру үшін этно-мемориалдық кешен алдында сап түзеді.
Тутұғырдағы көк Байрағымыз көкке көтерілгеннен кейін Әнұран шырқалды.