АСТАНА. KAZINFORM — Әлеуметтік желілерге жүргізілген мониторинг барысында полицейлер TikTok платформасындағы тікелей эфир кезінде қоғамдық тәртіпті бұзу фактісін анықтады.
Полицияның мәліметінше, 18 жастағы Жанарыс Жұмабай онлайн-трансляция кезінде көпшілік алдында балағат сөздер айтып, жалпыға ортақ мінез-құлық нормаларын бұзған.
Аталған факті бойынша жігіт ұсақ бұзақылық жасағаны үшін әкімшілік жауапкершілікке тартылды.
Сот қаулысымен оған 10 тәулік мерзімге қамауға алу жазасы тағайындалды.
Еске салайық, бұған дейін Ақтөбеде ер адам TikTok-та балағат сөз айтқаны үшін қамауға алынғанын хабарлаған едік.
Оның алдында Талдықорғанда TikTok эфирінде балағат сөз айтқан әйел жазаланғанын жазғанбыз.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.