Астана қаласы Энергетика басқармасының жылумен қамту бөлімінің бас маманы Бекмұрат Адуовтың айтуынша, елордада инженерлік жүйелерді жаңғырту мен жылыту маусымына дайындық жұмыстарына байланысты аталған жол бөлігінде көлік қозғалысы шектеледі.
Сондай-ақ баспасөз мәслихаты барысында Жолаушыларды тасымалдау және автомобиль жолдары басқармасы жолаушыларды тасымалдауды ұйымдастыру бөлімінің бас маманы Тұрсынғали Жакенов кейбір қоғамдық көліктердің бағытының өзгеретіні жайлы айтты.
- 22-30 қыркүйек аралығында №4, 16, 24, 30, 39, 70, 73 маршруттардың бағыты өзгереді. Жол қозғалысы Сембинов көшесі арқылы жүзеге асады. Одан әрі бұрынғы бағыт бойынша жүреді.
№ 1, 2, 13, 26, 33, 38, 42, 48, 49, 52, 76,103, 127 маршруттар Республика даңғылымен, одан әрі бұрынғы бағыт бойынша жүреді, - деді Т. Жакенов.
Баспасөз мәслихатының соңында Астана қаласы ІІД Әкімшілік полиция басқармасының өкілдері жүргізушілерден жолдың жабылуына орай жүру бағытын алдын ала жоспарлап, жабық аудандарды айналып өтуді өтінді.